Siglir tar il cuntegn

Header

cuntegn

Naziunal/Internaziunal Super League: Constantin sclauda «Le Nouvelliste»

Schurnalists e fotografs da la gasetta vallesana «Le Nouvelliste» n'han betg pli access als gieus a chasa da l’FC Sion en la nova stagiun da la Super League.

Il president dal club da ballape vallesan, Christian Constantin, refusescha als schurnalists da sport l’accreditaziun per la stagiun.

La raschun per questa mesira sajan commentaris polemics dal schefredactur da «Le Nouvelliste», uschia citescha la gasetta Constantin.

Per ils gieus ordaifer dal FC Sion po la gasetta vinavant retrair accreditaziuns correspundentas. Il FC Sion cumenza la nova stagiun da la Super League damaun a chasa cunter Lugano.

RR novitads 11:00

Artitgels legids il pli savens