Siglir tar il cuntegn

Header

In duel da dus giugaders da ballape.
Legenda: L'unda da corona tar il FCZ na fraina betg la Super League. Keystone
cuntegn

Super League cun corona Uss ha la partida Basilea – FCZ tuttina lieu mardi saira

Sco previs oriundamain, fruntan il FCB ed il FC Turitg il mardi saira in sin l’auter. Als Turitgais mancan blers giugaders pervi da corona.

Sco la Swiss Football League ha communitgà, cumenza la partida sco planisà a las 20.30. Per Turitg giogan paucs giugaders da l'emprima equipa, il cader vegn cumplettà cun giugaders da la segunda equipa. Diriger ils giugaders vegn il trenader da la segunda equipa, Marinko Jurendic.

Blers positivs tar il FCZ

En tut èn sis giugaders da l'emprima equipa da l'FC Turitg s'infectads cun il coronaviurs. Testà positiv è era il president Ancillo Canepa, e trais persunas che lavuran per l’equipa. Dapi il venderdi è ina gronda part da l'equipa en ina quarantina da diesch dis, uschia era il team da trenaders. La partida da sonda passada cunter Sion è vegnida stritgada.

Ord l'archiv:

video
Cas da corona tar il FCZ e GC
Or da sportflash dals 10.07.2020.
laschar ir

RTR novitads 15:00