Siglir tar il cuntegn

Header

Il trenader da ballape Marcel Koller.
Legenda: Tgi che succeda a Marcel Koller tar il FCB n'è anc betg enconuschent. Keystone
cuntegn

Super League Il FC Basilea na prolunghescha betg il contract cun Marcel Koller

Gia dapi ditg devi speculaziuns, uss è il club vegnì ora cun il marmugn. Il FC Basilea planisescha la proxima stagiun senza Marcel Koller sco trenader. Cun la separaziun possia il club realisar ina nova orientaziun dal sectur sportiv, scriva il FCB en sia communicaziun.

Buccal da cuppa anc pussaivel

Dasper Marcel Koller vegnan era ses dus assistents Thomas Janeschitz e Carlos Bernegger a stuair far fagot. Koller aveva il FCB engaschà curt suenter che la stagiun 2018/19 aveva cumenzà.

Avant in onn avevan ils Basilais e Marcel Koller pudì festivar la victoria en Cuppa svizra cunter il FC Thun. Uss pudessi anc dar in segund titel. Ils 25 d'avust frunta il FCB en il mezfinal da la cuppa sin Winterthur – il final fiss ils 30 d'avust cunter il campiun svizzer Young Boys.

Grondas midadas

Gia il mardi aveva dà tar il FC Basilea ina cesura. Ruedi Zbinden era sa retratg sco schef da sport, sulet in onn suenter surpigliar l'uffizi. El era daventà successur da Marco Streller ch'il club aveva tramess.

RTR novitads 15:00

Artitgels legids il pli savens

Scrollar a sanestra Scrollar a dretga