Sion cun emprima victoria
En il sisavel gieu da la stagiun ha Sion realisà l'emprima victoria. Ils Vallesans han gudagnà a chasa Servette cun 2:0 en il gieu da recuperaziun da la tschintgavla runda. Il defensur en il center Jan Bamert (15. min) e l'attatgader Jared Khasa (58.) han sajetà ils dus gols, mintgamai cun il chau. Per l'emprima giada en l'equipa da partenza da Sion era Guillaume Hoarau. Grazia a sia victoria ha Sion er surpassà Servette en la tabella.
Basilea chatta puspè l'equiliber
Suenter duas terradas ha il FC Basilea chattà la via enavos a la victoria. Il FCB ha gudagnà a chasa cunter Losanna cun 2:1. Igl è stà ina premiera per Timm Klose en il stadion da Basilea. Sajettà ils gols per Basilea han Valentin Stocker e Pajtim Kasami. Losanna ha sajettà ses gol pir en il temp supplementar.
En la tabella ha Sion surpassà Servette e Basilea ha surpassà Losanna.
Super League 2020/21
| rang | club | gieus | differenza da gols | puncts |
| 1. | YB | 8 | 10:3 | 18 |
| 2. | Lugano | 8 | 11:7 | 16 |
| 3. | Son Gagl | 8 | 8:8 | 12 |
| 4. | Turitg | 7 | 12:11 | 11 |
| 5. | Basilea | 8 | 11:11 | 10 |
| 6. | Losanna | 8 | 11:11 | 9 |
| 7. | Sion | 7 | 7:9 | 7 |
| 8. | Vaduz | 7 | 9:11 | 6 |
| 9. | Lucerna | 8 | 12:15 | 6 |
| 10. | Servette | 7 | 4:9 | 5 |