Siglir tar il cuntegn

Header

Navigaziun

cuntegn

Super League Son Gagl gudogna a Basilea

L'FC Basilea perda l'emprim gieu a chasa da la nova stagiun. Trais dis avant il segund gieu da qualificaziun per la Champions League ha l'FCB pers a chasa cunter Son Gagl cun 1:2.

Matchwinner per Son Gagl è Cedric Itten, l'anteriur attatgader da Basilea. En la 25avla minuta ha el sajettà il 1:0 ed en la 80avla minuta ha el pudì segirar la victoria cun il 2:1 cun penalti. Ord ils quatter ultims duels tranter Son Gagl e Basilea en il stadion Jakobspark ha il FCB segirà sulet in punct.

Nagins gols en il derbi romand

En l'emprim derbi dal Rodan dapi sis onns tranter Servette e Sion hai dà in pari da 0:0. Ils Genevrins na pudessen betg esser cuntent cun il punct. L'emprim ha il defensur Rouiller tutgà la pitga (67.), lura ha er Schalk tutgà l'aluminium (75.) e la finala ha Imeri manchentà da sajettar il gol ord buna posiziun (85.) En il temp supplementar ha il goli da Servette lura pudì salvar il punct.

RR novitads 22:00