Enfin la 90avla minuta manavan ils da Thun anc cun 0:1 en il stadion da St. Jakob a Basilea. Lura ha Davide Calla destruì il siemi d'ina victoria per Thun. El ha sajettà il 1:1. Thun aveva cumenzà il gieu a moda frestga e bunamain impertinenta. En la quarta minuta aveva Dennis Hediger sajettà il bal cunter la latta, e quai or d'ina distanza da 16 meters. En la 35avla minuta èn ils da Thun lura vegnids recumpensads per lur premuras cun in gol da Matteo Tosetti. Fin l'ultima minuta avevan ils da Thun sperà sin ina victoria, uschia che omaduas partidas n'eran a la fin betg propi cuntentas cun lur prestaziun.
RR novitads 6:00