Il gieu da ballape da la Super League tranter Neuchâtel Xamax e l'FC Sion è vegnì spustà sin damaun, gievgia (16-07-20). Il gieu cumenza las 18:15 uras.
Tenor la Swiss Football League saja quai capità en cunvegnientscha cun las autoritads da sanadad chantunalas. La raschun è ch'in giugader da Xamax è vegn testà positiv sin covid-19. Il ballapedist pertutgà n'ha betg dà ils dus gieus cunter Turitg e Thun, ha dentant trenà cun l'equipa. Cun spustar il gieu pon Xamax probabel guntgir ina quarantina da l'entira emprima equipa.
Ulteriurs problems en l'urari stretg dal campiunadi èn però gia avant porta. I n'è betg da quintar ch'il FC Sion po dar be 48 uras suenter il gieu cunter Xamax la sonda saira a chasa cunter Lugano. E sche quest gieu vegn spustà sin dumengia po probabel il gieu tranter Lugano e l'FCZ er betg manà tras il mardi.
