Suenter l'emprima mesadad manavan ils Turitgais anc cun 2:1. En la 81avla minuta egualisescha YB lura. Ed en la 85avla minuta gartegia perfin il gol a la victoria da 3:2 per ils Bernais.
Tut ils trais gols dals Young Boys ha Jean-Pierre Nsame marcà. L’um da Camerun ha uschia sajettà ses gols da stagiun numer 19, 20 e 21.
Tenor las reglas actualas da corona dastgan questa fin d’emna maximal 300 persunas esser preschentas ad occurrenzas grondas. Perquai han ils Young Boys desistì da fans en il Stade de Suisse. Uschia è l’atmosfera stada fitg nunusitada.