Piranha Cuira, l’equipa da las dunnas ch’ha er gudagnà la qualificaziun, frunta en quest final sin il grond rival UHC Dietlikon. Entant che Dietlikon ha gudagnà en questa stagiun la cuppa Svizra vul Piranha defender il titel da campiun svizzer, quai per la quarta giada en seria e la 5avla giada ils davos 6 onns.
Alligator Malans frunta sin il favurit e defensur dal titel SV Wiler-Ersigen. Ils Bernais han gudagnà ils davos 11 onns gist 9 titels da campiun svizzer. Il 2006 ed il 2013 è quel ì a l’equipa da Malans. Alligator survegn ussa schizunt la schanza da gudagnar il double suenter avair gudagnà quest onn la cuppa Svizra.
13.30 final dunnas: Piranha Cuira – UHC Dietlikon
17.00 final umens: SV Wiler-Ersigen – Alligator Malans