Siglir tar il cuntegn

Header

Video
La cursa dal campiun mundial da la cursa rapida Patrick Küng sin Birds of Prey
Or da Actualitad video dals 07.02.2015.
laschar ir
cuntegn

Naziunal/Internaziunal Surpresas svizras: aur per Küng e bronz per Feuz

Aur e bronz per la Svizra al campiunadi mundial da ski alpin a Beaver Creek. Patrick Küng daventa campiun mundial cun ina cursa quasi senza sbagls, Beat Feuz va per bronz e sto ceder mo a l'american Travis Ganong.

En ina cursa quasi perfecta è Patrick Küng vegnì pli e pli spert - da temp intermediar tar temp intermediar. La finala ha'l gudagnà aur ed il titel 0,24 secundas avant l'american Travis Ganong. Mo 7 tschientavels suenter l'american suonda Beat Feuz ch'ha gudagnà bronz.

Küng: "Igl è stà in siemi"

In siemi saja quai stà ha ditg Küng curt suenter l'arrivada. El è l'emprim campiun mundial da cursa rapida da la Svizra dapi Bruno Kernen il 1997. En tut èsi il 12avel titel da campiun mundial per la Svizra.

Video
Beat Feuz va per bronz al campiunadi mundial sin Birds of Prey
Or da Actualitad video dals 07.02.2015.
laschar ir

Era il bronz per Feuz è stà ina surpresa

Suenter liunga tensiun ed las cursas dal tschech Ondrej Bank e l'american Andrew Weibrecht, eri lura cler, che Beat Feuz da l'Emmental ha bronz. Feuz ha adina puspè gì problems cun il schanugl. A Beaver Creek ha Feuz però adina puspè festivà success ed è gia 3 giadas stà là sin il podest dal cup mundial.

Ils ulteriurs Svizzers: Carlo Janka 9avel, Didier Defago 11avel.

RR novitads 21:00

RTR/sda/fh/uca