Svindal ha dentant era duvrà cletg, ses avantatg sin il segund il Talian Peter Fill è mo stà in tschientavel. Terz è daventà l'American Travis Ganong.
Ina buna cursa ha mussà Carlo Janka. Il Grischun daventa 5avel cun in retard da 57 tschientavels. Patrick Küng sa ranghescha sin plazza 16 e Marc Gisin sin plazza 32.
La cursa a Lake Louise è stada interrutta per pli lung temp, suenter ch'il skiunz austriac Markus Dürager era crudà. Dürager è vegnì sgulà davent cun in helicopter. Las blessuras na duain dentant betg esser uschè grevas, sco funcziunaris austriacs han ditg.
RR Novitads 22:00