Siglir tar il cuntegn

Header

Aksel Svindal.
Legenda: Per Aksel Svindal è quai l'emprima victoria al Lauberhorn. Keystone
cuntegn

Naziunal/Internaziunal Svindal gudogna per l'emprima giada la cursa al Lauberhorn

La cursa rapida al Lauberhorn è vegnida interrutta pliras giadas pervi da la tschajera. Aksel Svindal gudogna per l'emprima giada suenter 10 partenzas la cursa rapida al Lauberhorn a Wengen. Meglier svizzer vegn Carlo Janka sco 8avel.

Il norvegiais Aksel Svindal gudogna la cursa rapida al Lauberhorn e quai cun in avantatg da 0,19 secundas avant l’austriac Hannes Reichelt ed 1,52 secundas avant in ulteriur austriac Klaus Kröll. Meglier svizzer vegn Carlo Janka sco 8avel, el perda sin Svindal 1,79 secundas. Beat Feuz cuntanscha il bun 11avel plaz cun in retard da 1,98 secundas. Marc Gisin vegn 19avel cun in retard da bunamain 3 secundas sin il victur Aksel Svindal.

L'aura ha dominà la cursa al Lauberhorn

Pliras per part lungas interrupziuns èn stadas pervi da la tschajera surtut en l'emprima part da la cursa. Gia baud la damaun aveva la giuria decidì da metter la partenza directamain sur il «Hundschopf», sco ier en la supercumbinaziun. La cursa era uschia per radund 40 secundas pli curta che la cursa originala.

RR Novitads 09:00/12:00/14:00/15:00

Artitgels legids il pli savens

Scrollar a sanestra Scrollar a dretga