Svindal: Problems cun il schanugl

Aksel Svindall desista da las trais cursas da la cuppa mundiala a Santa Caterina. Suenter la cursa rapida da Val Gardena haja el danovamain gì problems cun il schanugl. En il trenament dals auters skiunz a Santa Caterina hai dà in agreabel resultat svizzer.

Aksel Lund Svindal cun chapellina e spieghel da sulegl da skis cotschen. Ins vesa mo il chau. Bild in Lightbox öffnen.

Legenda da maletgs: Il skiunz da 34 onns tutga anc adina tranter ils meglers dal mund. Keystone

Carlo Janka en la cursa da trenament. Avrir maletg en lightbox.

Legenda da maletgs: Carlo Janka en la cursa da trenament. Keystone

En il trenament dad glindesdi per la cursa rapida da mesemna a Santa Caterina è Carlo Janka daventà sisavel e meglier Svizzer. Gudagnà il trenament ha il Talian Christof Innerhofer.

Il Norvegiais Aksel Svindall desista da las trais cursas da la cuppa mundiala a Santa Caterina ch'entschaivan il mardi cun in super-G. Suenter la cursa rapida da Val Gardena haja el danovamain gì problems cun il schanugl. El treneschia enstagl cun il velo e speria da vegnir guarì, per uschia avair in «grondius 2017».

Da preschent è Svindall cun 220 puncts sin il settavel rang en il classement general dals skiunz da la FIS. Quai èn anc 14 puncts dapli che Carlo Janka cun 206 puncts. Sin l'emprim plaz è lunsch ordavant l'austriac Marcel Hirscher cun da preschent 633 puncts.

Accident il schaner

A Kitzbühel aveva Svindall stgarpà il schaner il liom cruschà ed il meniscus. Fin tard viaden en la stad n'èsi betg stà cler, schebain el possia insumma cuntinuar cun sia carriera u betg.

RR novitads 14:00