Il podest
- 1. Kjetil Jansrud (Norvegia) 1:21,66
- 2. Aksel Svindal (Norvegia) +0,17
- 3. Dominik Paris (Italia) +0,41
Ils Svizzers
- 4. Carlo Janka +0,44
- 6. Beat Feuz +0,71
- 23. Ralph Weber +1,59
- 24. Patrick Küng +1,75
Ils atlets svizzers han mussà ina ferma prestaziun al cumenzament da la cuppa mundiala da skis. Carlo Janka ha sco quart manchentà il podest per be trais tschientavels.
Beat Feuz, il victur da l’ultim super-G al final da la cuppa mundiala a San Murezzan, è suandà sco sisavel. Patrick Küng è partì sut circumstanzas pli grevas: Il december aveva el rut giu sia stagiun pervi da problems cun il schanugl. Il Glarunais è vegnì 24avel, gist suenter ses collega da squadra Ralph Weber.
Il nov modus
A Val d’Isère è per l’emprima giada vegnida duvrada la nova procedura da reparter ils numers da partenza per cursas rapidas. Ils 10 megliers atlets da la glista da start da la cuppa mundiala han pudì eleger in dumber spèr tranter 1 e 19.
Il program che suonda
La sonda suonda a Val d’Isère l’emprima cursa rapida da l’enviern. La dumengia datti lura il segund slalom gigant da la stagiun. Quel era oriundamain planisà a Beaver Creek, ha uss dentant er lieu a Val d’Isère.
RR novitads 14:00