Siglir tar il cuntegn

Header

Cedric Itten cun il numer 19 cumbatta per la balla.
Legenda: Cedric Itten cun il numer 19 cumbatta per la balla. Keystone
cuntegn

Svizra 6:1 Gibraltar Svizra va al campiunadi europeic 2020

La qualificaziun per il campiunadi europeic da ballape è sut tetg. La naziunala Svizra ha gudagnà il davos gieu da qualificaziun ordaifer encunter il Gibraltar suveran cun 6:1 ed uschia fatg tut cler.

Er in pari avess tanschì al team dal trenader Vladimir Petkovic per la qualificaziun. Ils gols dad Itten che ha fatg ina dubletta, Vargas, Fassnacht, Benito e Xhaka han dentant procurà per ina clera victoria. Styche ha salvà per Gibraltar l'onur.

Igl è l'emprima giada che la Svizra è sa qualifitgada quatter giadas en seria sin via sportiva per la runda finala. La Svizra è la victura da la gruppa D (17 puncts), avant il Danemarc (16 puncts). Sco victura da gruppa vegn la Svizra ils 30 da november en il vasch 2, cura ch'i va per il trair la sort da las gruppas dal campiunadi europeic.

RR novitads 23:00