Siglir tar il cuntegn

Header

purtret da dus ballapedists svizzers
Legenda: Ils dus sajettagols da la Svizra cunter il Portugal, Admir Mehmedi e Breel Embolo (dretg). Keystone
cuntegn

Naziunal/Internaziunal Svizra batta il campiun d'Europa

Per l'equipa naziunala svizra ha la qualificaziun per il campiunadi mundial da ballape 2018 cumenzà optimal. Cunter il campiun europeic, il Portugal ha la Svizra gudagnà a chasa cun 2:0. Ils dus gols per la Svizra han sajettà Breel Embolo en la 23avla minuta ed Admir Mehmedi en la 30avla minuta.

audio
CH:POR – Il rapport
ord Actualitad dals 07.09.2016.
laschar ir. Durada: 4 minutas 6 Secundas.

L'equipa da Vladimir Petkovic ha agì per gronda part clever ed effizient. Sulet cun l'absenza da Cristiano Ronaldo n'è il resultat dentant betg da declerar. Il final a Paris, al campiunadi europeic, ha il Portugal gudagnà per gronda part er senza Ronaldo. Il campiun d'Europa n'ha betg savì co agir cunter in'equipa naziunala svizra ch'è sa preschentada a moda persvadenta e che ha adina puspè pudì far attatgas privlusas.

Curt avant la fin ha Granit Xhaka anc survegnì la segunda carta melna e stuì ir giu dal plaz. El manca uschia en il gieu cunter l'Ungaria, ils 7 d'october a Budapest.

En la medema gruppa (B) ha Andorra pers a chasa cunter la Lettonia cun 0:1 e las Inslas Feroe han dà in pari da 0:0 cunter l'Ungaria.

Classament da la gruppa B

1.
Svizra
5:26
2.Inslas Feroe2:04
3.Portugal6:23
4.
Lettonia
1:23
5.
Ungaria2:3
1
6.
Andorra0:70

RR novitads 23:00

Artitgels legids il pli savens