Siglir tar il cuntegn

Header

cuntegn

Naziunal/Internaziunal Svizra – Brasilia tar temperaturas tropicas

La naziunala svizra da ballape è sgulada il venderdi da Toljatti a Rostov-on-Don.

A Rostov al Don frunta l’equipa da Vladimir Petkovic en l’emprim gieu da gruppa la dumengia saira a las 20:00 uras sin la Brasilia. Rostov al Don è bun 1’000 kilometers en il sid da Toljatti datiers dal cunfin cun l’Ucraina e Rostov è er la porta tar il Caucasus. Fertant che Toljatti è ina citad d’industria, è Rostov ina citad plain vita cun cultura e divertiment. I dat bleras ustarias, butias, baselgias e la glieud sa fa si fitg elegant.

audio
Bunura: Emprimas impressiuns da Rostov al Don
ord Actualitad dals 16.06.2018.
laschar ir. Durada: 5 minutas.

A Rostov al Don regian dentant er autras temperaturas ch’anc a Toljatti. Il termometer mussa questa fin d’emna fin a 35 grads, 15 fin 20 grads dapli ch’anc a Toljatti. Ils giugaders svizzers, ma er ils Brasilians vegnan a suar en quest emprim gieu da gruppa en l’arena da Rostov.

RR actualitad 07:00

Artitgels legids il pli savens