Siglir tar il cuntegn

Header

Video
Victoria per terza partida da qualificaziun
Or da Sport-Clip dals 08.10.2019.
abspielen
cuntegn

Svizra – Croazia 2:0 Dunnas svizras salvan vesta alva

La squadra naziunala da las dunnas ha er gudagnà la terza partida da qualificaziun per il campiunadi europeic. A Thun ha la squadra da Nils Nielsen gudagnà cunter Croazia cun 2:0. Suenter trais partidas han las Svizras uschia il maximum da puncts e n'han anc survegnì nagins gols.

Ferma emprima mesadad

La victoria da las Svizras avess anc pudì esser pli clera, sch'ins resguarda che las ballapedistas svizras han dominà l'emprima mesadad. Da las numerusas schanzas da far gols han ellas però sulet realisà duas: L'emprim gol ha fatg Ana Maria Crnogorcevic en la 9avla minuta. Suenter ina mes'ura ha Géraldine Reuteler fatg il segund gol.

Suenter la pausa n'hajan las dunnas betg pli pudì porscher «memia bler» als 4'512 aspectaturs. Il nivel dal ballape haja laschà suenter, scriva la SDA. Las Croatas ch'èn il mument las davosas en la gruppa H, han per part schizunt dominà la partida.

RR novitads 22:00