Siglir tar il cuntegn

Header

cuntegn

Naziunal/Internaziunal Svizra frunta sin l’Irlanda dal Nord

Ussa èsi enconuschent encunter tgi che la naziunala Svizra da ballape frunta il november per in plaz als proxims campiunadis mundials l’onn proxim en Russia. L’equipa da Vladimir Petkovic frunta sin l’Irlanda dal Nord.

audio
Saira: Svizra cunter Irlanda en la barrascha
ord Actualitad dals 17.10.2017.
laschar ir. Durada: 4 minutas 24 Secundas.

La Svizra sto sco emprim dar il gieu ordaifer, lura il gieu da return a chasa en il St. Jakob-Park a Basilea. L’emprim duel è tranter ils 9 ed ils 11 da november, il gieu da chasa lura tranter ils 12 ed ils 14 da november.

Cun quest adversari po la Svizra esser cuntenta. Ils ulteriurs adversaris pussibels fissan stads la Svezia, l’Irlanda u la Grezia.

Ils ulteriurs duels da barascha:

  • Croazia – Grezia
  • Danemarc – Irlanda
  • Svezia – Italia

Irlanda dal Nord spetga dapi passa 30 onns

L’Irlanda dal Nord è actualmain classada sin posiziun 23 en la rangaziun mundiala da la FIFA. La Svizra è sin la posiziun 11. Ils giugaders ils pli enconuschents en l’equipa dal trenader Michael O’Neill èn Steven Davis ed Kyle Lafferty, anteriur giugader dal FC Sion. L’Irlanda dal Nord ha fin oz giugà a trais campiunadis mundials, quai il 1958, il 1982 ed il 1986.

Equipas gia qualifitgadas per ils campiunadis mundials 2018

Europa
Russia (ospitant)
Belgia
GermaniaEngalterra
SpagnaPologna
IslandaSerbia
PortugalFrantscha
AsiaIranGiapun
Corea dal Sid
Arabia Saudita
America dal Sid
BrasiliaUruguai
ArgentinaColumbia
America Centrala e dal Nord
MexicoCosta Rica
Panama
AfricaNigeria
Egipta

Artitgels legids il pli savens