En la Georgia gudognan ils Svizzers cun 2:0. Suenter in'emprima mesadad cun fitg paucas schanzas sajetta Steven Zuber en la 57avla minuta il 1:0. 10 minutas avant la fin marca Denis Zakaria il segund gol per la Svizra.
Ils trais giugaders da l'offensiva Haris Seferovic, Xherdan Shaqiri ed Admir Mehmedi n'han betg pudì giugar. Mehmedi è malsaun, Seferovic e Mehmedi blessads.
Il proxim gieu da qualificaziun è mardi proxim a Basilea cun il Danemarc.
Irlanda guntgescha be per pauc ina blamascha
Cuntrari a la Svizra ha l'Irlanda, er in adversari da la Svizra en la qualificaziun, pudì impedir cun fadia ina terrada. En l'emprim gieu da gruppa gudogna l'Irlanda cun 0:1 cunter Gibraltar. Lez vala sco crass outsider. En 20 gieus ha Gibraltar pers 20 giadas. La differenza da gols en questas partidas 5:103. Il mardi dat l'Irlanda lura cunter la Georgia.
RR novitads 17:00