Siglir tar il cuntegn

Header

Navigaziun

cuntegn

Naziunal/Internaziunal Svizra gudogna Hopman Cup

Roger Federer e Belinda Bancic han gudagnà il Hopman Cup a Perth en l'Australia. Els han uschia pudì defender il titel. Gia il 2018 avevan els gudagnà. Gia l'onn passà era il Hopman Cup vegnì decis tranter la Svizra e la Germania.

Bencic e Federer.
Legenda: Keystone

Sco gia l'onn passà han Roger Federer e Belinda Bencic giugà il final cunter Angelique Kerber ed Alexander Zverev cun 2:1. Suenter che Federer e Kerber han gudagnà ils singuls è il final vegnì decidì en il mixed. Quel han Bencic e Federer gudagnà en in duel spectacular: Il pli davos passadi ha decis la partida en in mini-tiebreak, 4:0, 1:4, 4:3 (5:4).

Resultats dals singuls

  • Roger Federer ha gudagnà cunter Alexander Zverev – il numer quatter dal mund – cun 6:4 e 6:2.
  • Belinda Bencic ha però pers ses singul cunter Angelique Kerber – il numer dus dal mund – cun 4:6, 6:7 (6:8).

Federer gudogna per terza giada

Nagin auter che Roger Federer ha gudagnà trais giadas il Hopman cup. Cunquai ha el cuntanschì in ulteriur record en sia carriera da tennis. Il 2001 ha el gudagnà ensemen cun Martina Hingis, il2018 e 2019 cun Belinda Bencic.

RR novitads 10:00+