Dals 1'440 clubs da ballape en Svizra n'han mo anc 64 nagins commembers cun ina biografia da migraziun. E tar blers pitschens clubs han pli che trais quarts dals giugaders ragischs a l'ester. Plinavant giavischass mintga 5avel club tar l'integraziun dapli sustegn da l'Associaziun svizra da ballape ASB. Quai èn total 317 clubs. Tar l'enquista dal 2013 n'era il sustegn mancant anc nagin tema.
Ils clubs da ballape prestan bler per l'integraziun da la populaziun cun biografia da migraziun.
Grev da chattar trenaders
In auter grond problem ch'ils clubs svizzers da ballape han, d'insumma chattar trenadras e trenaders. Plinavant saja era vegnì pli grev d'occupar autras funcziuns. Motiv saja che las obligaziuns daventian adina pli cumplexas. 60% dals clubs hajan era ina memia pitschna u insuffizienta infrastructura. Perquai han entant 11% da tut ils clubs ordinà in stop tar la recepziun d'uffants e giuvenils.
Quest'emna aveva l'Associaziun svizra da ballape procurà per in grond sbratg cun l'idea da betg pli avair en l'equipa naziunala giugaders cun dus pass.
RR novitads 09:00