Siglir tar il cuntegn

Header

Giugaders da la naziunala Svizra vid celebrar ina victoria.
Legenda: Giubilescha la naziunala Svizra da ballape er suenter il gieu cunter l'Ungaria. Keystone
cuntegn

Naziunal/Internaziunal Svizra vul il proxims trais puncts

Suenter la victoria encunter il Portugal (2:0) en l’emprim gieu da qualificaziun per il campiunadi mundial il 2018 en la Russia è la naziunala Svizra da ballape sgulada cun gronda confidenza a Budapest.

En il segund gieu da gruppa encunter l’Ungaria vul la Svizra danovamain festivar ina victoria ed uschia gia sa distanziar in zic da la concurrenza.

La Svizra vala sco il favurit encunter l’Ungaria, tuttina sto l’equipa da Vladimir Petkovic avair adatg. Ils Ungarais han pudì in grond pass da stgala si suenter ch’els vegnan trenads dal duo tudestg Bernd Storck (scheftrenader) ed Andreas «Andy» Möller (trenader assistent). En l’emprim gieu da qualificaziun ha l’Ungaria dentant stuì sa cuntentar cun in pari da 0:0 encunter las Inslas Feroe.

Al campiunadi d’Europa en Frantscha ha l’Ungaria dentant mussà lur potenzial, quai cun sa qualifitgar sco victurs da gruppa per la fasa da K.o. Suenter l’otgavelfinal han ils Ungarais sco ils Svizzers era stuì turnar a chasa.

audio
Mezdi: prevista Ungaria - Svizra
ord Actualitad dals 07.10.2016.
laschar ir. Durada: 2 minutas 38 Secundas.

Il segund gieu da qualificaziun tranter l’Ungaria e la Svizra cumenza a las 20:45 uras. A partir da las 20:00 uras tegn er il Radio Rumantsch vus si current tge che curra e passa en il stadion a Budapest.

Classament da la gruppa B

1.
Svizra
5:26
2.Inslas Feroe2:04
3.Portugal6:23
4.
Lettonia
1:23
5.
Ungaria2:3
1
6.
Andorra0:70

Artitgels legids il pli savens