Siglir tar il cuntegn

Header

cuntegn

Naziunal/Internaziunal Svizzers domineschan emprim trenament al Lauberhorn

Dus Svizzers han dominà l'emprim trenament sin la pista dal Lauberhorn a Wengen. Beat Feuz è stà pli ch'ina secunda pli spert ch'il Grischun Mauro Caviezel.

Avant il trenament ha Feuz annunzià ch'el na veglia betg dar tut. I saja stà in bun trenament ha el ditg suenter il trenament. El haja pudì realisar quai ch'el haja planisà, tuttina sajan sias reservas per la cursa pli pitschnas che quellas da la concurrenza, uschia ha ditg Feuz. Il 2012 ed il 2018 ha Feuz gudagnà la cursa rapida classica al Lauberhorn.

Il terz spert temp dal trenament ha fatg l'Austriac Matthias Mayer. Cun Carlo Janka da Sursaissa sco 10avel è in terz Svizzer anc vegnì en ils top ten.

Blers skiunzs han er ludà la lavur dal gidanters. Els han gì da metter grondas quantitads naiv nova ord la pista da cursa. La cursa rapida dal Lauberhorn ha lieu tradiziunalmain la sonda.

RR novitads 15:00

Artitgels legids il pli savens