Siglir tar il cuntegn

Header

cuntegn

Naziunal/Internaziunal Svizzers mitschan cun in egl blau

La naziunala svizra ha gudagnà l'emprim gieu da gruppa als campiunadis mundials a Paris cunter la Slovenia cun 5:4 suenter sajettar penaltis.

Dal tut cuntenta n’è l’equipa da Patrick Fischer tuttina betg damai ch’ils Svizzers manavan encunter ils Slovens suenter 20 minutas cun 4:0 ed han a la fin bunamain anc dà ord maun la victoria. Dumengia saira frunta la Svizra sin la Norvegia.

Gia ils ultims dus onns ha la naziunala Svizra mintgamai stuì sajettar penaltis cunter las squadras promovidas da l'Austria e dal Kasachstan. Auter che ils ultims dus onns ha la Svizra questa giada, cunter la Slovenia, gudagnà.

Gols per ils Svizzers han sajettà

  • 1:0 - Ambühl
  • 2:0 - Haas
  • 3:0 - Loeffel
  • 4:0 - Bodenmann

Ulteriurs resultats

Gruppa A:

Slovachia - Italia 3:2 suenter prolungaziun

Lettonia - Danemarc 3:0

Germania - Svezia 2:7

Gruppa B:

Bielorussia - Tschechia 1:6

Norvegia - Frantscha 3:2

RR novitads 15:00

Artitgels legids il pli savens