Siglir tar il cuntegn

Header

cuntegn

Swiss Football League Il president vul chalar en in onn e mez

Heinrich Schifferle, il president da la Swiss Football League, vul dar giu ses uffizi la fin dal 2021.

El quintia che quai saja sia davosa perioda d'uffizi, ha Heinrich Schifferle ditg en l'emissiun «Samstags-Rundschau» da radio SRF. Il Turitgais ha cumenzà il 2011, ed il november passà ha la Swiss Football League elegì el per dus ulteriurs onns. La fin dal 2021 vegn el pia ad esser diesch onns en uffizi. Quai tanschia, manegia Schifferle.

Sbagls fundamentals na ves jau betg tar nus.
Autur: Heinrich Schifferle davart l'agir da la SFL durant la crisa da corona

Schifferle defenda la SFL

Atgnamain eri previs da renovar las structuras da la Swiss Football League durant in seminari da strategia il matg. La pandemia ha dentant retardà quest process. «Las structuras eran dapi ch'jau hai cumenzà adina las medemas. Nus stuain examinar chaussas sco la grondezza dal comité», ha ditg Schifferle al radio SRF.

Temp pesant

Heinrich Schifferle ha plinavant tradì, che la fasa actuala cun las bleras midadas pervi da corona saja in pais per el. Quai vegnia sutvalità da persunas externas.

Jau fetsch gugent mia lavur, hai dentant l'impressiun ch'i tanscha cun la fin da questa perioda d'uffizi.
Autur: Heinrich Schifferle president da la Swiss Football League

Sport Aktuell da SRF ils 25 da november 2011:

video
Heinrich Schifferle nov president da la SFL
Or da sportaktuell dals 25.11.2011.
laschar ir. Durada: 2 minutas 3 Secundas.

RTR novitads 15:00

Artitgels legids il pli savens