Il campiunadi mundial da hockey sin glatsch na vegn er l'onn 2021 betg ad esser en Svizra. Swiss Ice Hockey desistia d'ina nova candidatura, ha communitgà il comité d'organisaziun.
La raschun principala sajan ils ristgs economics: Ins na possia betg dir quant ditg che la crisa da corona cuzzia. Plinavant na saja er betg pussaivel dad insumma assicurar in eventual campiunadi mundial cunter il ristg da corona.
Il campiunadi mundial da quest onn – ch'avess cumenzà venderdi proxim a Turitg e Losanna – ha stuì vegnir desditg pervi da la crisa da corona.