L'emprim ha Federer fatg curtas cun Peter Gojowczyk e battì il Tudestg en dus sets cun 6:2 e 6:1. Per Federer èsi stà la 1500avla partida sin la tura dad ATP. Sco proxim frunta el u sin Radu Albot da la Moldavia u sin il Serb Dusan Lajovic.
Er Laaksonen vinavant
Pli tard ha Laaksonen, il numer 105 dal mund, gudagnà cunter Benôit Paire cun 6:3 e 7:5. Il Franzos è il numer 25 dal mund. Sco proxim frunta Laaksonen per l'emprima giada en sia carriera sin il Tudestg Jan-Lennard Struff ch'ha battì il Serb Miomir Kecmanovic senza problems en dus sets cun 6:4, 6:2.
RR novitads 21:00