Swiss Indoors, Basilea: Federer en il quartfinal

Roger Federer è en il quartfinal dals Swiss Indoors a Basilea. El ha battì il Franzos Benoit Paire en gnanc in'ura - cun 6:1 e 6:3.

Federer vi da la rait cun balla. Bild in Lightbox öffnen.

Legenda da maletgs: Cun schlantsch en il quartfinal – Roger Federer batta il Franzos Benoit Paire en 57 minutas. Keystone

Suenter nov minutas era Roger Federer 3:0 oravant, suenter 23 minutas era a fin l’emprim set. Federer n’haja betg stuì dar tut per tuttina gudagnar il gieu, scriva SRF.

Proxim adversari dal matador local Federer è il Franzos Adrian Mannarino. Mannarino ha gudagnà cunter Denis Shapovalov en trais sets.

Medemamain en il quartfinal da Basilea èn ils anteriurs victurs dal turnier, il Croat Marin Cilic e l'Argentin Juan Martin Del Potro.

RR novitads 06:00