Ils Swiss Indoors a Basilea na paran betg da purtar fortuna a Stan Wawrinka. Sco en il 2017 ha el da desister er il 2018 dal turnier pervi dad ina blessura. Enfin uss aveva il giugader svizzer fatg part 13 giadas dals Swiss Indoors. Otg giadas era el crudà ora gia suenter l’emprima runda.
Wawrinka avess stuì giugar la mesemna ses emprim gieu cunter il franzos Adrian Mannarino. Uss ha el da dar forfait per Basilea e finir gist er ina stagiun difficultusa:
Gia il 2017 aveva Wawrinka stuì desister da giugar a Basilea. Wawrinka era turnà suenter duas operaziuns al schanugl pir il cumenzament dal 2018 puspè sin la tour da tennis. En quella era el crudà sin la plazza 263 da l’ATP, ha dentant savì sa revegnir fin sin plazza 69.
Ils Swiss Indoors cumenzan oz glindesdi saira. Roger Federer ha la pussaivladad da gudagnar ses turnier da chasa gia per la novavla giada.
RR novitads 17:00
