Quai vul era dir ch’il nov Swissalpine na sa concentrescha betg pli mo sin la destinaziun turistica Tavau/Claustra. Da nov è era la destinaziun Engiadina/San Murezzan integrada en il pli grond eveniment da currer dal Grischun.
Jasmin Nunige vegn segunda
Cun in retard da 26 minutas vegn Jasmin Nunige da Tavau quest onn segunda en la cursa roiala, il T88 Irontrail. Gudagnà il T88 Swiss Alpine Irontrail ha Julia Bleasdale ch'è stada 27 minutas pli sperta che Nuninge. Terza è vegnida Katharina Hediger-Weiss cun bun 1 ura e 36 min retard sin l'emprima.
L'onn passà aveva Jasmin Nunige stuì terminar la cursa pervi d'ina blessura dal pe. Ils onns avant ha ella dentant dominà quest event da currer.
Triumf spagnol tar ils umens
Sco gia l'onn passà ha il Spagnol Tofol Castanyer gudagnà la cursa roiala, il T88, dals umens. Il segund è Vajin Armstrong ch'ha duvrà 47 minutas pli ditg. Terz è Patrick Cathry da Andermatt, ch'è arrivà gnanc ina minuta pli tard.
RR novitads 20:00