En la suletta partida da la dumengia han ils da Tavau battì a chasa ils ZSC Lions. Quai gnanc 24 uras suenter la victoria ordaifer cunter Losanna. Suenter ch'ils da Turitg èn ids en avantatg en la 30avla minuta tras in gol da Inti Pestoni, han ils da Tavau mussà ina ferma reacziun. L'attatgader Enzo Corvi ha marcà en la 33avla minuta ed en la 43avla minuta omadus gols per il HCD.
Grazia a questa ulteriura victoria è Tavau vinavant sin buna via da sa qualifitgar per ils playoffs. Il HCD è vinavant sin il tschintgavel plaz da la tabella. Quai cun 72 puncts. A la testa da la tabella è vinavant il SC Berna cun 89 puncts. I suondan Zug e Lugano.
Hockey: Classament liga naziunala A (05-03-2018)
Team | Gieus | Relaziun da gols | Puncts | |
1. | Berna | 50 | 167:112 | 102 |
2. | Zug | 50 | 153:122 | 91 |
3. | Bienna | 50 | 150:124 | 89 |
4. | Lugano | 50 | 159:130 | 86 |
5. | Friburg | 50 | 133:139 | 77 |
6. | Tavau | 50 | 134:156 | 75 |
7. | ZSC Lions | 50 | 144:133 | 75 |
8. | Genevra Servette | 50 | 132:153 | 71 |
9. | SCL Tigers | 50 | 120:134 | 67 |
10. | Losanna | 50 | 149:169 | 63 |
11. | Ambri-Piotta | 50 | 136:168 | 57 |
12. | Kloten | 50 | 120:157 | 47 |
RR novitads 18:00