Siglir tar il cuntegn
cuntegn

Naziunal/Internaziunal Team svizzer dal Fed Cup maina cun 2:0

En il duel dal Fed Cup tranter la Svizra e l'Italia maina la Svizra cun 2:0. Damaun sto la Svizra gudagnar ina dals trais partidas per cuntanscher ils gieus da relegaziun.

Belinda Bencic embratscha Viktorija Golubic.
Legenda: Belinda Bencic embratscha Viktorija Golubic. Freshfocus

L'emprim punct ha Belinda Bencic (WTA 45) fatg. Ella ha battì en l'emprim gieu singul Sara Errani (WTA 124) en dus sets cun 6:2 e 7:5.

En il segund gieu è gartegià a Viktorija Golubic (WTA 101) la surpraisa: Ella ha gudagnà cun 6:4, 2:6 e 6:4 cunter Camila Giorgi (WTA 28) ch'era tranter auter gia stada en il quart final dal turnier a Wimbledon.

RR novitads 18:00