Ils profis duain arrivar en l'Australia cun in'equipa ferm reducida, tranter ils 15 ed ils 17 da schaner 2021. Per duas emnas duain tuts ir en quarantina. Ma, durant quest temp duai esser pussaivel da trenar. Il temp ch'ils profis pon bandunar lur hotels da quarantina duai vegnir limità sin tschintg uras a di. Plinavant duain tut ils participants e las participantas vegnir testads regularmain sin il coronavirus.
Oriund è l'emprim turnier da grand-slam da la stagiun stà planisà per ils 18 da schaner 2021. La regenza en il stadi federativ da Victoria, nua che Melbourne sa chatta aveva dentant pretendì ch'il turnier vegnia spustà e ch'i dettia cundiziuns d'igiena fitg strictas.