Il plan da preparaziun per l'Australian Open da la giugadra da tennis svizra Belinda Bencic vegn mess sin il tgau. Bencic sto ir per 14 dis en quarantina a Melbourne e quai senza la pussaivladad da sortir. El sto guardar da restar fitta en sia chombra da hotel.
Passagier da sgol è positiv
La raschun per la strentga ordinaziun è in test positiv tar in passagier ch'era en il medem aviun da Abu Dhabi a Melbourne. Sin il medem sgol eran dasper Bencic er ulteriuras giugadras da tennis, tranter auter Bianca Andreescu (victura dal US Open 2019) u Angelique Kerber (victura da l'Australian Open 2016). L'Australian Open duai cumenzar ils 8 da favrer, trais emnas pli tard che usità.