Siglir tar il cuntegn

Header

cuntegn

Tennis Federer crod'ora intgins mais

Nauscha nova per ils fans da Roger Federer. Pervi d'in'operaziun al meniscus dal schanugl dretg sto el dar forfait fin l'entschatta da zercladur. El quinta da returnar sin la tura cun ils turniers sin pastget.

Il giugader da tennis da 38 onns ha gia dapi intgin temp difficultads cun il schanugl. Suenter la consultaziun tar ils medis saja el uss sa decidì da far l'operaziun.

Federer manchenta uschia ils turniers a Dubai, Indian Wellls e Miami sco er il French Open. L'onn passà ha el gudagnà dus da quels (Dubai e Miami) ed ha cuntanschì il final (Indian Wells) ed il mezfinal (Paris). L'actual numer trais dal mund perda uschia intginas posiziuns sin la glista da rangaziun mundiala.

Ord l'archiv:

video
Federer gudogna cunter Nadal il «Match in Africa»
Or da Sport-Clip dals 07.02.2020.
laschar ir. Durada: 2 minutas 49 Secundas.

RTR novitads 12:00

Artitgels legids il pli savens