Roger Federer ha cuntanschì il quartfinal al turnier da ATP a Schanghai. En l'otgavelfinal ha il Svizzer battì il Beltg David Goffin. En l'emprim set ha Federer parà tschintg ballas da set. En il tie-break ha el la finala gudagnà il set cun 9:7. En il segund set è reussì al Svizzer il break decisiv al 4:3.
Uss spetga Zverev
En la proxima runda frunta Federer sin il Tudestg Alexander Zverev ch'ha battì il Russ Andrei Rublew. Cunter Zverev ha Federer ina bilantscha equilibrada. Dals sis duels han omadus mintgamai gudagnà trais. L'ultima giada ha Zverev battì Federer en il mezfinal dals ATP Finals 2018.
RR novitads 15:00