Siglir tar il cuntegn

Header

Navigaziun

Roger Federer
Legenda: Keystone
cuntegn

Tennis Federer stat per la 12avla giada en il final a Wimbledon

Roger Federer ha gudagnà la partida da mez-final encunter Rafael Nadal. En il final frunta il numer 3 dal mund uschia sin il defensur dal titel Novak Djokovic.

Roger Federer ha gudagnà la partida a mez-final en quatter sets cun 7:6 (7:3), 6:1, 3:6 e 6:4. Suenter radund trais uras è Federer vegnì da realisà sia 5. balla da matsch. 11 onns suenter ina da sias pli diras terradas sin pastget ha Federer uschia pudì far revantscha encunter il victur da lura Rafael Nadal.

Final: Federer vs. Djokovic

Ordavant aveva Novak Djokovic gudagnà ses mez-final encunter il Spagnol Roberto Bautista Agut cun 6:2, 4:6, 6:3, 6:2. Il final è dumengia a las 15.00 da temp svizzer. Las ultimas giada ch'i ha dà il final Dojovik vs. Federer a Wimbledon, è Djokovic ì cun la trofea. En il head-to-head maina medemamain il Serb cun 25:22.

RR novitads 17:00 / 21:00