Siglir tar il cuntegn
cuntegn

Naziunal/Internaziunal Tennis: Final a Lugano senza participaziun svizra

Stefanie Vögele ha pers il mezfinal cunter la Belorussa Arina Sabalenka.

Stefanie Vögele.
Legenda: Stefanie Vögele. Keystone

Cun il mezfinal va il turnier da WTA a Lugano a fin per la giugadra da l'Argovia Stefanie Vögele. La giugadra da 28 onns ha pers cunter la Belorussa Arina Sabalenka en dus sets cun 4:6 e 2:6. En omadus sets ha la Svizra stuì acceptar baud in u plirs breaks ed è uschia adina stada en il dischavantatg.

Stefanie Vögele è stada la sonda per la segunda giada en questa stagiun en in mezfinal d'in turnier da WTA. Stefanie Vögele aveva gia l'entschatta mars ad Acapulco cuntanschì la penultima runda dal turnier. Il quartfinal a Lugano aveva Vögele gudagnà la sonda cunter la Tudestga Tamara Korpatsch en dus sets cun 6:4 e 6:3.

Arina Sabelenka frunta dumengia en il final sin la Belgia Elise Mertens.

RR novitads 20:00