Legenda:
Ashleigh Barty celebrescha sia victoria.
Keystone
Ashleigh Barty gudogna il final dal French Open cun 6:1 e 6:3 cunter Marketa Vondrousova. Per ella è quai l'emprima victoria d'in turnier da Grand-Slam. L'Australiana Barty da 23 onns ha duvrà mo 2 sets e 70 minutas per la victoria cunter la Tschecha Vondrousova da 19 onns.
Ashleigh Barty è cun quai l'emprima Australiana dapi 46 onns che gudogna il French Open. Il 1973 aveva Margaret Court gudagnà l'ultima giada a Paris. Ella sa meglierescha en la rangaziun mundiala da plaz 8 sin plaz 2.
RR novitads 18:00