Dominic Thiem stat la segunda giada en roda en il final dal French Open a Paris. L'Austriac Thiem ha battì il numer 1 dal mund Novak Djokovic en 5 sets cun 6:2 / 3:6 / 7:5 / 5:7 / 7:5 quai en in gieu en 3 etappas: Venderdi era il gieu vegnì interrut e sonda anc ina giada pausà pervi da la plievgia.
Reprisa dal final 2018
Uschia datti quest onn danovamain il final tranter il numer 25 dal mund Dominic Thiem ed il numer 2 dal mund, il Spagnol Rafael Nadal. Favurisà è Nadal ch'aveva gudagnà l'onn passà cunter Thiem cler e net en 3 sets.
RR novitads 17:00