Siglir tar il cuntegn

Header

cuntegn

Tennis Ils trais gronds vulan lantschar in fond d'agid

Djokovic propona en ina brev, da sustegnair giugaders da tennis. Er Federer e Nadal èn da la partida.

Djokovic e Federer
Legenda: Ils dus rivals vulan collavurar per sustegnair giugaders ch'èn classads pli bass. Keystone

Novak Djokovic ha lantschà sco president dal Cussegl dals giugader da tennis tar la ATP in'acziun da sustegn per quests giugaders che sa chattan en ina situaziun precara pervi da la crisa da corona. En mira ha l'idea da Djokovic, che vegn sustegnida da Roger Federer e Rafael Nadal, giugaders senza sustegn da las federaziuns e che n'han nagins sponsurs.

La finamira è da dar 10'000 dollars a mintgin ch'è rangà en la glista mundiala sin ils plazs 250 fin 700. Quest plan è vegnì preschentà en ina brev a tut ils giugaders da tennis.

Ils daners duain tranter auter vegnir da giugaders ch'èn classads tranter ils top 100 dal ranking.

Sustegn duai vegnir dals megliers giugaders

Ils giugaders da la top 100 duain contribuir daners tenor lur classificaziun:

  • 1-5: mintgamai 30'000 $
  • 5-10: mintgamai 20’000 $
  • 10-20: mintgamai 15’000 $
  • 20-50: mintgamai 10’000 $
  • 50-100: mintgamai 5000 $
  • Top-20-giugaders en il dubel: mintgamai 5000 $

Mo entras questa mesira vegniss ensemen passa in milliun dollars. Plinavant duain la ATP ed ils quatter turniers da Grand-Slam sa participar vi dal project.

RTR novitads 12:00

Artitgels legids il pli savens

Scrollar a sanestra Scrollar a dretga