Al turnier da WTA a Losanna ha Jil Teichmann er gudagnà ses segund duel svizzer. Ella ha battì la Grischuna Simona Waltert en dus sets cun 6:3 e 6:3. Teichmann ha gia cumenzà bain ed ha manà suenter nov minutas 3:0. Suenter è ella vegnida da mantegnair quest avantatg. Simona Waltert haja gì marcant dapli sbagls che avant dus dis cunter Julia Görges.
Ordavant aveva Teichmann gia gudagnà en trais sets cunter Timea Bacsinszky. En il quartfinal frunta ella sin la Tudestga Tamara Korpatsch.
RR novitads 20:00