Suenter che Bencic ha pudì sa salvar il di avant ord ina situaziun difficila en il gieu cunter la Tudestga Julia Görges, n'ha ella chattà naginas soluziuns cunter Collins. L'Americana da Florida ha realisà winners ord bunamain tuttas posiziuns ed ha fatg permanentamain squitsch sin la Svizra. A Bencic n'èsi mai gartegià da far ses gieu.
Bencic va ussa a Melbourne, nua che cumenza il glindesdi l'Australian Open.
Laaksonen perda cunter il numer 734
L'emprim turnier da Grand slam da l'onn (Australian Open) è a fin per Henri Laaksonen e Conny Perrin gia suenter l'emprima runda da qualificaziun. Laaksonen (ATP 102) ha pers surprendentamain cunter l'Australian Rinky Hijikata (ATP 734) en dus sets cun 6:7 e 6:7. Perrin ha pers cunter l'Ucranaisa Daria Lapatezka cun 2:6 e 2:6.
RTR novitads 09:00