Stan Wawrinka ha fatg curtas cun ses emprim adversari al turnier da tennis a Madrid. Il Svizzer ha battì il franzos Pierre-Hugues Herbert en dus sets cun 6:2 e 6:3. En la segunda runda frunta Wawrinka sin l'Argentin Guido Pella che ha gudagnà cunter il Russ Daniil Medwedew cun 6:2, 1:6 e 6:3.
Questa saira cumenza il turnier lura er per Roger Federer. Ses adversari è Richard Gasquet da la Frantscha. Federer e Gasquet han gia cumbattì 19 giadas in encunter l'auter. Federer ha gudagnà 17 dals duels.
RR novitads 14:00