Tennis - Wimbledon – il turnier dals turniers

Il 1877 è per l'emprima giada vegnì dà il turnier da Wimbledon a Londra. En il decurs dals ultims 140 onns è bler sa midà. Dentant datti tuttina tscherts usits ch'èn restads tuttina. La tradiziun vegn scritta aut a Wimbledon. Per exempel cun il suandant usit:

• 90% dal resti da las giugadras e dals giugaders sto esser alv.

Tipic per Wimbledon èn dentant era las frajas cun groma. Mintg'onn maglian ils fans che visitan il turnier durant las 2 emnas, radund 30 tonnas frajas. Las meglras frajas dal mund vegni magari ditg. Il recept da success:

Nus chantain e discurrin cun las frajas per ch'ellas vegnan spezialmain bunas.

1 / 3

Legenda: Roger Federer tar sia prima victoria a WImbledon il 2003 Keystone

2 / 3

Legenda: Frajas Ellas tutgan simplamain tar Wimbledon. Keystone

3 / 3

Legenda: Keystone

Roger Federer – il retg da Wimbledon

Quel che tegn ils records a Wimbledon tar ils umens è Roger Federer. Gia otg giadas ha el triumfà a Londra a la renumada «Church Road». L'emprima giada il 2003, l'ultima giada il 2017. Tar las dunnas datti ina atleta che surpassa il svizzer. Martina Navratilova ha gudagnà nov giadas en sia carriera il turnier da Wimbledon.

audio

Saira: Federer e Bencic èn omadus pronts per Wimbledon

03:16 min, ord Sportissimo dals 30.06.2019.

laschar ir. Durada: 3 minutas 16 Secundas.

RR Sportissimo 17:00