Siglir tar il cuntegn

Header

Il trenader Sam Allardyce
Legenda: Strusch cumenzà, gia puspè chalà. Sam Allardyce n'è betg pli trenader da l'equipa naziunala da ballape englaisa. Keystone
cuntegn

Naziunal/Internaziunal Terminà l’engaschi suenter mo 68 dis

Il trenader da l'equipa naziunala da ballape englaisa, Sam Allardyce è sa retratg per immediat; quai suenter che l'equipa ha giugà in sulet gieu sut el. (1:0 en la qualificaziun per il campiunadi mundial cunter la Slovachia).

La raschun persuenter è in discurs filmà zuppadamain. Tenor medias indigenas haja el dà als reporters tips, co guntgir reglas da transfer. Ils schurnalists eran sa dads ora sco umens da fatschenta ed avevan filmà el zuppadamain.

Plinavant duai Allardyce avair martgadà in lucrativ contract da cussegliaziun. Sinaquai ha la federaziun englaisa da ballape cumenzà cun investigaziuns cunter el. Allardyce era stà en uffizi mo 68 dis.

Ad interim vegn la naziunala englaisa trenada da coach dals U21, Gareth Southgate.

RR novitads 21.00

SRF/ec