Naziunal/Internaziunal - Terrada dad 1:8 per il HCD
In vair debachel è stà il gieu dal club da hockey da Tavau da la sonda saira a Losanna. Els n'han gì davent dal cumenzament nagina schanza ed han pudì esser cuntents, d'insumma vegnir da marcar in gol d'onur.
Suenter il 4:1 merità il venderdi saira a chasa cunter Losanna n'ha il HCD betg pudì confermar questa prestaziun la sonda ordaifer. La squadra grischuna vegn gia baud en retard e na riva betg da mussar ina reacziun. Losanna è questa saira simplamain stà bler memia effectiv. Suenter dus terz han ins schizunt stuì temair ch'il HCD survegnia in uschè numnà Stängeli. Ils diesch gols n'ha la squadra da Losanna alura dentant tuttina betg fatg. Curt avant la fin ha lura Andreas Ambühl anc pudì sajettar il gol d’onur al resultat final dad 1:8.