Il Canadais Mark Stone ha pudì sajettar suenter 5:07 minutas en la prolungaziun il gol che ha segirà ad els la qualificaziun per il mezfinal. Stone aveva er sajettà il gol al 1:1 en il segund terz. E per il gol al 2:2 ha Stone dà il pass a Severson.
Ina fin dramatica per in gieu, nua che la Svizra era sin buna via da cuntanscher il mezfinal. Ils gols Svizzers han sajettà Sven Andrighetto (19. min) e Nico Hischier (trais secundas avant la fin dal segund terz) mintgamai en il powerplay. Ils Svizzers ston uschia far la cofra e sperar sin l'onn proxim cura ch'il campiunadi mundial ha lieu en Svizra (Turitg e Losanna).
En ils auter quartfinals hai dà ils suandants resultats: la Russia batta ils Stadis Unids cun 4:3, Finlanda gudogna cunter la Svezia cun 5:4 suenter prolungaziun e la Tschechia batta la Germania cun 5:1.
En ils mezfinals dattan la Russia cunter la Finlanda ed il Canada cunter la Tschechia.
RR novitads 20:00