Siglir tar il cuntegn

Header

cuntegn

Terrada per il HCD Lakers battan il HCD cun 5:2

Ils gieus dal club da hockey da Tavau encunter ils Rapperswil Jona Lakers èn durant questa stagiun adina stads stretgs. Per l'emprima giada sto il HCD suttacumber al duel cunter Rapperwil Jona Lakers.

situaziun da cumbat
Legenda: Il giugader da «lockout» da la NHL Joe Thornton (center) tar ses emprim gieu per il HCD sut squitsch dals Lakers Nicolas Thibaudeau (san.) e Stefan Huerlimann (dretg). Keystone

Gia per la 5avla giada èsi vegnì questa stagiun al duel HCD – Rapperswil Jona. Ils emprims 4 gieus ha il HCD adina pudì gudagnar. Per gronda part dentant cun mo 1 gol differenza. Sulet la partida gist al principi da l’onn è ida a fin cun 2 gols differenza. Ma ussa - il 5avel gieu ha il HCD stuì suttacumber als Rapperswil Jona Lakers.

Tavau vul restar davant – Rapperswil dovra puncts

Il duel da questa saira è stà il duel tranter ina da las meglras equipas da la liga naziunala e la laterna cotschna. Ils Rapperswil Jona Lakers èn dapi ditg a la cua da la tabella. Il retard sin il penultim, Ambri Piotta, è 9 puncts. L’equipa Son Gallaisa dovra urgentamain puncts.

Il HCD ha dentant dovrà sez ils puncts. L’equipa grischuna vul esser en ina buna posiziun da partenza per la fasa decisiva dal campiunadi – en ils playoffs.

RR actualitad 20:00